Mes poèmes - Forum - Livre d'or - Liens - Moi

L'mère et sin fiu

le vendredi 03 mai 2024, à 13:47. Posté par marie

Jules ! Jules ! Il est l’heure ! L’jour est levé…. Lève ti ! Sinon…. Sinon quoi l’mère ? J’vas te cahoter. Jules, Jules, allez ouste ! Tin café est din l’gobe tout caud, Tin chuc est fondu. Dépêche ti min fiu ! Tin café va être frod … Vint t’assir sur t’cayelle. La mère, la mère… Min dos m’fait mal, Mes gambes aussi J’reste au pieu l’mère. C’est diminche J’su maflé. Jules, Jules… Quoi l’mère ! Te fais encore des amaniérés. Arrête tin barouf l’mère. Allez min fiu, L’co a canté. Batiche va arriver pour aller à l’pèque. Eh Jules ! On buque à l’porte. Va ouvrir l’mère, à Batiche, Vins m’aider Jules… M’chu prin les pieds din l’tapis, m’chu affalée ed tout min long in plein miliu din l’salon ! J’arrive l’mère, j’vins t’aider, Douch’min, douch’min min fiu. Jules assit sa mère sur la chaise, L'mère, j’artourne au pieu, occupe ti de Batiche. Baptiste tape plus fort à la porte, La mère crie : Rintre Batiche ! I fait frod deyors l’mère, J’su tout fraique. L’voisin m’a jeté sin siau d’iau. La mère : l’avot pourtant bin dit à l’voisin ed’faire attinchion88 de n’pon j’ter sin siau d’iau sur l’trottoir… Bin l’mère tin voisin, c’est un Innochint ed’baptinme. Arrêt'te d’arnifler, mouque ti Batiche. Prin un’bistoule. Et minge un’couque, Non l'mère, j’rintre din m’mason. Jules ! Artire tes fouffes, Fais ti biau, Mets t’maronne ed t’quemije, Batiche t’attend. J’peux pon l’mère, j’su tro maflé… Toudis tu wines min fiu ! J’artourne chez mi, l’mère. Baptiste dépose un bécot sur la joue de la mère et crie à Jules : On ira à l’pèque l’prochaine fois. ................................................... C'est ainsi que parlait ma grand-mère. C'est du patois de Dunkerque. A Dunkerque nous ne sommes pas ch'tis mais flamand maritime. Les ch'tis sont de Lille. En plus les habitants de Dunkerque ne sont pas du tout comme le film de ce con Dany B.

<< Retour aux poèmes

Mes poèmes - Forum - Livre d'or - Liens - Moi